مهارات التربية بالحب… كيف أطبقها بشكل صحيح؟

لمشتركتنا المجتهدة ( زهراء علي ) من السعودية أسال الله لها التوفيق و لكل ام تسعى نحو الافضل دائما .

“مرحبا صبايا ..
فضفة لاغير مافيها اي موقف ..
كتير كنت متضايقة من حالي الفترة الماضية كانت عندي ضغوط كثييرة واسلوبي كان ماساة مع بنتي بالذات.. لانها انفعالية شوي.. وصلت لمرحلة كرهت فيها اسلوبي.. فحبيت خلاص اتغير من جد .. بس هسة بحس رجعت ليي الحياة..
ملاحظاتكم وملاحظات سناء حطيتها بعين الاعتبار .. كنت حابة عن جد اشتغل على حالي
اول شي بديته
التخيل الموجه الحمدلله صار لي اسبوع وشوي مداومة عليه يوميا .. صار ادمان اول ما اقعد الصبح اسويه ..

ثاني شي قبل المهارات بديت قرب من بنتي لانه العلاقة كانت متوترة الفترة الماضية بيني وبينها .. خصوصا لما تعصب او تزعل كنت اتنرفز لاني مابعرف اعمل لها شي لانه مراعاتي كانت غلط معاها فماكنت احصل نتائج معها فـــ تعويضا
صرت بضمها كثيير ..وبقوليها بحبك.. احاول قدر الامكان اتبسم (صرت بذكر وسط يومي التخيل الموجه الي عملته الصباح وابتسم ) .. وهي تحب اني شيليها احملها فصرت بحملها بين وقت وثاني ..
الشي الثالث المهارات واخ من المهارات كتبت من شوي تعليق في بوست( زميلتنا لمى )اني اكتشفت انه مراعاتي بس تسطير جمل الي تعلمنااها من غير شعور واحساس صااادق من جوا ..كنت بحاول امثل اني متفاعلة بس ماكنت احاول احس
ابني الصغير صراحة عادي مشت معه مالاحظ ولا اكتشف التمثيلية ..بس بنتي كانت حاسة اني كاني اكذب ف ماتجاوبت معي
الحين احاول بقدر الامكان اول شي احط نفسي مكانها مشان احس بشعورها بالضبط واسال نفسي ايش العبارة الي ممكن تواسيني فهالموقف..
نبرة صوتي حسيتها كانت باردة شوي فاحاول اشتغل عليها هالفترة ..
وبرجع لاسلوب سناء فتطبيقها للمهارات في التسجيل الاخير بتذكره كيف كان كان شي بيساعدني ..
هالفترة عم اعلمها تفرغ مشاعرها بالرسم..
بعدني احيانا احس روحي اخبص بس احاول ..
النتيجة بعد هذا كله الحمدلله في تحسن بنتي حاسة بهالشي ..يعني صايرة هاليومين اقل انفعالا .. دايما بتجي وبضمني وهي تلعب وبتروح .. صرت اسمع كلمة احبك منها اكثر من مرة باليوم هيك من غير مناسبة ..
موقفين فرحوني
الصبح بس فاقت من النوم وانا بتكلم معاها قالت لي ماما اني ماراح ناديك ماما بعد اليوم راح ناديك ياقلبي .. طبعا انا الدمعة خلاص تعلقت بالجو هههه .. سكتت بنتي شوي الا تقول: لا لا غيرت رايي باسميك وردتي الجورية ..(هي بتحب الجوري الاحمر )تأثرت كثير.. فرحت كثير..
موقف ثاني كنت اتكلم معاها اني لو سافرت عمرة مثلا يومين ممكن تظلي عند بابا بشوف شو بتقول الا تقول: ((لا مستحيل .. انا احب بابا بس بابا مايفهم علي .. انتي تفهمي علي))
وصارت تفكر بتعطيني حلول(( انتي روحي اعتمري وانا بظل مع بابا بالفندق بس تخلصي بابا بيروح .. هيك احسن بالدور بس لازم انا اسافر معك ))

CLOSE
CLOSE