وقت الاستعداد للذهاب للمدرسة

كتبت الام بتفائل و ثقة تقول ::

صباح الورد صبايا ..
من الصبح اليوم صار موقف مع ابني ..
صحيت ع الساعة6 وانا بصحي ابني كنت بجهزملابس المدرسة تبعه …لاقيت بقع سودا عليهم وانا ما انتبهت لها امبارح …طالعت ملابس المدرسة وحطيتهم ع الكنب ورحت جبت بيجامة الرياضة تبع المدرسة وحطيتها جنبهم و3 بلوزللبيجامة وحطيتهم جنبها ..صحي ابني …سألته ممكن نلبس اليوم بيجامة الرياضة لانو بدلة المدرسة متوسخة وما انتبهت اغسلها امبارح؟؟ ..سألني شو اليوم ..قلتله تلاتاء …قالي لأ الرياضة يوم الاربعاء بدي البس بدلة المدرسة …قلتله شو رأيك نشوفهم قال اوك …قام معي يشوف الملابس ولما شاف البدلة متوسخة صار يقول بدي البسها بدي البسها ما بدي بيجامة الرياضة ..أنا قلتله ( شايفة بدلة متوسخة عليها بقع سودا ونحنا ناس نضاف مابنلبس شي وسخ …سكتت ….وشايفة بيجامة رياضة نضيفة ومغسولة ) انت اختار أي وحدة بدك تلبس بين ما حضر حافظة المي …..لسا قبل ما اطلع من الغرفة هو بيقولي اكييييييد البيجامة النضيفة ..بس أي بلوزة؟؟ ..قلتله انت اختار البلوزة الي بتحبها …رح احضر الاكل والحافظة وبتوقع ارجع لاقيك لابس تيابك وجاهز ..رحت ع المطبخ بعد شوي اجا لابس البيجامة من دون بلوزة او جرابات او الجاكيت ….قلته واووووو برافوووو لبست البيجامة لحالك وبشكل صحيح شو باقيلك حتى تكون جاهز ..قالي وهو كتير مبسوووط البلوزة …وشو كمان ؟؟؟ ….. الجرابات والجاكيت ….قلتله يلا ورجيني كيف رح تلبسهم …راح لبس وجهز حاله واختار بلوزة على كيفه ….قبل ما نزله ع الباص قلتله :لبست البيجامة بشكل صحيح لحالك واخترت عليها بلوزة مناسبة وجربات من نفس اللون ولبست بسرعة ..كتير شكلك انيق ومرتب …شطوووور ….كتيير انبسط هو وحس حاله عامل شي منيح (ابني عمره خمس سنين واول مرة بيلبس لحاله قبل المدرسة بالعادة بيكون عم يتدلل لسا الصبح )هو بيلبس لحاله بالبيت ولما نطلع شي مشوار بس ع المدرسة لأ…طلع يطلب اللفت ونسي الشنطة …قلتله حبيبي الشنطة ..رجع اخدها ونزلته ع الباص وهو بقمة الفرح والنشاط ….وانا كماااان كنت كتير مبسوطة ومتفائلة …طولت عليكم سامحووووني ..

CLOSE
CLOSE