تفريغ الغضب من طفلة عمرها 8 سنوات

كتبت لنا أم تقص علينا:

“السلام عليكم … النهارده سلمى 8 سنوات راجعه من المدرسه متضايقه جدا لان بنت في الباص قالتها: (انت ولد)_ البنت دي معروف انها مزعجه جدا مش بس مع سلمى لا مع كل الباص والمدرسه _ اخذتها في حضني وادتها كل اهتمامي وقولتلها حاجه مزعجه اوي اللي عملته البنت دي ..هزت راسها بالموافقه .. وبعدين قالتلي انا كنت عايزه اضربها كده وبتحرك ايديها كده في الهوا انها ضربتها ..قولتلها فعلا لو كنت مكانك ومع كتر مواقفها معاك هابقى عايزه اديها بوكس كده ..ابتسمت ..قولتلها شكلك غاضبانه خالص ..ايه رايك لو تاخدي المخده دي وتضربيها ..جريت على المخده وبايديها الاتنين وطاخ طيخ طاخ …انا واقفه ورائها .. بعد ماخلصت ..لفت ولاقتها ابتسامه من الودن للودن وبتقولي انا بحبك ياماما .. طبعا انبسطت جدا جدا وحضنتها وانا كمان بحبك .. القصه لم تنتهي بعد محمداخوها 6 سنوات لاقيته بيقولي ماما واحد اخذ من اكلي النهارده استاذني وانا قولت له لا … روحت الحمام لاقيت واحد من الفصل بيقولي انه اخذ واحده من شوكلاتاتي .. اعمل ايه عشان اخرج الغضب اللي جوايا وبيضحك اصلا. (هو طبعا كل القصه دي عشان يضرب المخده .).ابتسمت له وقولتله اجري على المخده ونعمت الام والاولاد بالهدوء والانسجام جزيتي خيرا سناء”

CLOSE
CLOSE